A policía investiga unha suposta agresión sexual en Vigo

A Policía Nacional de Vigo investiga unha suposta agresión sexual a unha muller por parte dun home que celebraba a súa despedida de solteiro. 

Ocorreu nun hostal do centro da cidade, onde se aloxaba o presunto agresor, de nacionalidade portuguesa, canda unha vintena de amigos. Tras unha noite de marcha, volveu supostamente ao hotel coa vítima. Segundo transcendeu, as cámaras de seguridade do aloxamento captaron ese instante.

A Unidade de Familia e Muller da comisaría de Vigo, que é a que se encarga do caso, examina agora ese material. Ata o lugar desprazáronse varias patrullas policiais, que procederon a identificar os 21 homes e levaron arrestado o presunto agresor.