A peste porcina africana mantense contida na zona do gromo
A Generalitat afirma que se están conseguindo os obxectivos prioritarios da loita contra o virus
Agarda que a contención do foco permita ir recuperando os mercados
O goberno catalán pide paciencia sobre a investigación da orixe e asegura que está en mans dos máximos expertos
A peste porcina africana non saíu do radio de seis quilómetros onde se detectou o gromo hai nove días e non entrou en ningunha granxa.
"O obxectivo principal conseguiuse", afirmaba o conselleiro de Agricultura, Gandería, Pesca e Alimentación da Generalitat.
Ata agora atopáaronse un cento de xabaríns mortos na zona, pero só hai trece nos que se confirmou a infección.
O goberno catalán espera que a contención do foco permita ir recuperando os mercados que pecharon algúns países.
"Recuperar os fluxos comerciais e que o impacto fose o mínimo posible, iso tamén se está producindo", dicía Òscar Ordeig i Molist.
Dar coa orixe do gromo é outra das prioridades. O conselleiro pediu paciencia e asegurou que a investigación está nas mellores mans.
"Calma, están traballando nisto os maiores expertos en PPA europeos, españois e cataláns", aseguraba.
O conselleiro pediu responsabilidade, que se rexeiten as loiadas e non caer no alarmismo. Tamén subliñou que a cidadanía pode axudar nesta crise potenciando o consumo de porcino catalán.
