A nova dirección do PSdeG-PSOE cambia de voceiro parlamentario

Esta fin de semana a dirección do PSdeG vai rematar os cambios provocados polo seu último congreso coa substitución do exsecretario xeral Gonzalo Caballero como voceiro no Parlamento.

A nova cúpula socialista dirixida por Valentín Gonzalez Formoso baralla varios nomes para substituír a Caballero. Os dous que máis soan son o lucense Luís Álvarez e o arousán Xulio Torrado.

Fontes próximas a Gonzalo Caballero aseguran que vai continuar como deputado ata o final da lexislatura e que o seu papel no grupo vai depender de como finalicen as primarias provinciais que se están celebrando.