A esquerda galega, pendente das candidaturas de Frente Amplio e Podemos
O prazo para presentar as listas ao Congreso e ao Senado remata esta medianoite
Pontón reclama concentrar o voto no BNG para darlle "mais peso a Galicia" en Madrid
A conta atrás comezou a súa fase máis crítica. Arestora a grande incógnita no espazo da esquerda galega céntrase en Podemos e Frente Amplio, que apuran o reloxo para rexistrar as súas listas definitivas antes de que remate o prazo legal, esta medianoite. As do resto dos partidos xa son públicas.
Na bancada socialista, José Ramón Gómez Besteiro apostou pola experiencia e o peso institucional das subdelegacións do Goberno. Obdulia Taboadela, pola Coruña e Abel Losada, por Pontevedra, encabezan senllas candidaturas. Os socialistas entran ao choque directo co PP. A formación acusa a Xunta de evitar falar de política galega.
O BNG despois de facer oficiais as listas esta fin de semana, presentou todos os candidatos en sociedade. Ofrecen coherencia e transparencia. E piden concentrar o voto para "darlle máis peso" a Galicia en Madrid.
No Partido Popular, a principal novidade é a presenza do exconselleiro de Sanidade Julio García Comesaña como cabeza de cartel por Pontevedra e Fabiola García, de dous pola Coruña.
