A mellor fotógrafa de bebés acabados de nacer ten o estudo no concello lugués de Guntín
Leva xunto a súa socia once anos fotografando bebés nos seus primeiros días de vida
Apostaron polo rural e hoxe son un referente neste tipo de fotografías
Con 13 días Olivia posa por primeira vez. A súa é a imaxe da calma e da tenrura. O ollo que a retrata é o de Raquel, a mellor fotógrafa de España de acabados de nacer.
"Con atrezzos sinxelos, limpos, que o protagonista sexa sempre o bebé", explica Raquel Lamas.
Son sesións de 2 a 4 horas, nun ambiente relaxado e antepoñendo sempre as necesidades do bebé.
"Un acabado de nacer necesita calma, paciencia que se traballa, eu non sei si é algo que nos naceu", comenta Amanda Pérez.
Amanda e Raquel levan once anos fotografando bebés nos seus primeiros días de vida. Apostaron polo rural e o seu estudo de Guntín hoxe é un referente nese tipo de retrato.
"A xente decía no rural non vai ir ninguén, unha sesión de catro horas quen a vai facer, entón estar neste punto agora mesmo é moito máis alegre", explica Amanda Pérez.
A foto coa que se fixeron co premio está Emma, de só doce días de vía. Aparece envolta nun corazón.
"A luz, a técnica, o encadre, e o que simboliza a foto porque ao final é iso como o corazón deses pais", explica Raquel Lamas.
E non foi a única imaxe premiada, outras obtiveron mención especial e sitúan as súas autoras entre as máis destacadas do certame da Federación Española de Fotógrafos.
