A Liga Endesa publica o calendario da 2026/27

A Liga Endesa publicou esta mañá o calendario para a tempada 2026/27. Na primeira xornada, os galegos terán partidos xa moi importantes. O primeiro en debutar será o Monbus Obradoiro, nun duelo directo contra Andorra na 'Bombonera', para que ese mesmo 26/09 Leyma Coruña debute no Palau fronte ao Barça. Breogán xogará ás 12:00 o domingo 27/09. Será no Pazo fronte ao Joventut.

Os derbis entre os equipos galegos distribuiranse da seguinte forma: Obradoiro-Breogán 01/11-12:00, Breogán-Obradoiro 02/05-12:00; Obradoiro-Coruña 20/12-12:00, Coruña-Obradoiro 14/03-12:00; Breogán-Coruña 30/12-18:00, Coruña-Breogán 16/05-12:00.

O Río Breogán xogará entre a xornada 7 e a 14 cos 4 equipos de Euroliga. Visitará primeiro o Palau Blaugrana na xornada 7, irá na 9 ao Roig Arena para xogar contra Valencia Basket, recibirá a visita do Real Madrid na xornada 12 e na 14 xogará no Buesa contra Baskonia. Pechará a primeira volta contra La Laguna Tenerife e a liga regular contra Baskonia no Pazo. 

Así será 𝗮 𝘃𝗶𝗮𝘅𝗲 𝗱𝗮 𝟮𝟲/𝟮𝟳! 🧳

A 𝟯𝟬ª 𝘁𝗲𝗺𝗽𝗮𝗱𝗮 do Río Breogán en @acbcom xa ten forma, estades listos #MareaCeleste? 😉🩵

Garda o calendario no teu móbil! 👉 https://t.co/Ca5QYdp29U #ForzaBreo pic.twitter.com/NiIkUFXrxA

— Río Breogán (@CBBreogan) August 12, 2026

O Monbus Obradoiro xogará o seu primeiro partido en Sar contra o Real Madrid o 04/10. En canto aos outros tres Euroliga, na primeira volta recibirá a Barcelona e Baskonia nas xornadas 8 e 11, e xogará contra Valencia na xornada 16. O 22 de novembro (X9) será o retorno de Moncho Fernández a Sar, no duelo contra Básquet Xirona. A primeira volta pecharana en Sar contra Zaragoza e a última xornada será no Príncipe Felipe, tamén contra os maños.

📅 𝗖𝗔𝗟𝗘𝗡𝗗𝗔𝗥𝗜𝗢 𝟮𝟲/𝟮𝟳

📌 Garda as datas para vivir xuntos #ANosaNovaHistoria 📖

Aquí comeza o camiño! 🚀 pic.twitter.com/NpN4wIRhJG

— MONBUS OBRADOIRO (@OBRADOIROCAB) August 12, 2026

O Leyma Básquet Coruña, ademais de contra o Barça na X1, xogará en Valencia na X8, e terá dobrete na casa contra Real Madrid e Baskonia nas xornadas 11 e 12. O final da primeira volta será en Burgos fronte ao San Pablo, e a liga rematarana no Martín Carpena de Málaga contra Unicaja.

✨ 𝐂𝐚𝐥𝐞𝐧𝐝𝐚𝐫𝐢𝐨 𝐓𝐞𝐦𝐩𝐚𝐝𝐚 𝟐𝟎𝟐𝟔/𝟐𝟎𝟐𝟕 ✨

Descobre a nosa folla de ruta para 𝐚 𝐧𝐨𝐬𝐚 𝐚𝐫𝐫𝐨𝐮𝐭𝐚𝐝𝐚na Liga Endesa 🏀🔥 pic.twitter.com/mLpeTLgqkg

— Leyma Basquet Coruña 🍊 (@basquetcoruna) August 12, 2026