A Guarda soña con xogar a final da European Cup
O equipo da Guarda gañou por 24-26 en Málaga na ida de semifinais da EHF European Cup e xogarase o pase á final ante a súa afección
O Mecalia Atlético Guardés golpeou primeiro na ida de semifinais da Copa Europea EHF (24-26), disputada o pasado domingo na cancha do Costa do Sol Málaga, que terminou reaccionando despois de ir perdendo por seis goles e acabou recortando catro nos últimos instantes, o que deixa a eliminatoria aberta para o partido de volta.
O Guardés chegará con dous goles de vantaxe á volta, que xogará de local na Sangriña o vindeiro sábado ás 20:30 horas, partido onde as malagueñas chegarán coa moral de resucitar xusto a tempo cando parecían liquidadas.
María Sancha: "Non nos confiamos. O Málaga é un equipo experto con moi boas xogadoras".
"Todo o mundo ten moita ilusión, nós as primeiras".
O ambiente da Sangriña será clave. O equipo confía no apoio da súa afección para culminar o traballo realizado en Málaga e conseguir o pase a unha final europea que sería histórica para o club e para o deporte do Baixo Miño.
