A Guarda recomenda non beber a auga da billa pola presenza de sedimentos
A intensa choiva dos últimos días causou turbidez na rede municipal
Piden revisar os filtros de sedimentos nos contadores
Imaxe de arquivo
O Concello da Guarda advertiu da presenza de turbidez na auga da rede municipal debido á intensa choiva rexistrada nos últimos días, que arrastraron lama e sedimentos ata as captacións.
Aínda que a auga continúa a recibir o tratamento e desinfección habituais, o Goberno local recomenda non empregala para beber nin para cociñar durante os próximos dous días, ata recuperar a calidade óptima.
O Concello tamén pide revisar o estado dos filtros de sedimentos instalados nos contadores, xa que poderían estar obstruídos pola situación actual.
Dende o Goberno local agradece a comprensión da veciñanza e piden que ante calquera dúbida ou incidencia, se contacte co Concello.
