A Garda Civil investiga a morte dun bebé de dous meses en Lalín

Un bebé de dous meses apareceu morto na súa casa sen que polo de agora se coñezan as causas. Só se sabe que alguén chamou unha ambulancia do 061 e que cando chegaron os sanitarios á vivenda, o meniño xa estaba morto.

Aínda así intentaron reanimalo e mandárono ao hospital Clínico de Santiago, pero xa non se puido facer nada pola súa vida.

A Garda Civil de Lalín é a encargada de esclarecer o caso. Os investigadores están á espera da autopsia para coñecer as causas do falecemento e determinar posibles responsabilidades.