A Galicia rural tamén sofre a embestida da covid
Cada día hai máis concellos rurais en risco moi alto
En toda Galicia só dous municipios están totalmente limpos
"A xente non pode saír, uns se dan positivo a familia ten que estar confinada e entón xa non hai a xente que había todos os días, xa non hai moita e agora hai menos claro", apunta Luis Varela, hostaleiro de Rois.
Hoxe Rois parecía un pobo pantasma cunha choiva morriñenta que restou luz a este día de Reis. Os veciños tampouco están para moitas festas, este Nadal pasou sen pena nin gloria.
E aínda así sumaron 110 positivos estas últimas dúas semanas o que eleva a súa incidencia acumulada a 2.448 que pon ao concello en risco moi alto a pesar do seu carácter rural.
"O núcleo onde vivo eu é unha aldea moi pequeniña e a xente toda se vacinou e non é xente que sexa de saír entón mantense máis ou menos protexida o que non quere dicir que nuns días esteamos bastante fastidiados", conta un rapaz.
Os concellos do rural ocupan en total o 86% do territorio galego e só dous, Muras e Ribeira de Piquín están totalmente libres de covid, polo que a sensación é de aínda queda moita loita
"Isto aínda vai para largo", vaticina un señor.
