A falta de persoal cualificado atrasa as construccións e reformas de vivendas

Hai empresas de construción nas que non se para nin as fins de semana. Os traballadores poden optar por horarios ampliados con incentivos económicos.

"Chega un momento en que o tempo non nos acompaña e tés que traballar por dentro e tés que ir cambiando á xente para outros sitios. Moitas veces os espazos que temos programados por causa do tempo ou dos materiais, non nos chega e temos que traballar en quendas dobres e tamén en sábados e domingos." Explica Manuel Bahamonde, da constructora Construverty.

Deste xeito poden axilizar as obras que lles contrataron e competir con vantaxe fronte a outras empresas lastradas pola falta de profesionais.

"E se non tentas cumprir os prazos á xente xéralle moita desconfianza. A xente o que valora, no noso caso, son as datas de entrega. E se nalgún caso non se chegase, temos unhas cláusulas de indemnización ao cliente." Di Bahamonde.

Ademais dos cambios nas quendas, nesta empresa optaron por ampliar a formación para contar con profesionais polivalentes.

"Invístese moito tempo e diñeiro en formación á xente para outras cousas: para por tarima, para outros tipos de remates..."

A escaseza de traballadores cualificados en todos os oficios do ramo da construción e das reformas está a atrasar moitas obras privadas e afecta tamén ás contratacións públicas. Dende o sector apuntan á necesidade de atraer os máis novos á formación nestes oficios, e tamén as mulleres, que agora só representan un 11% do total dos cadros de persoal.