A expansión da variante ómicron condiciona o Nadal en Europa
O Reino Unido suma máis de 100.000 casos diarios
Alemaña endurece algunhas restricións
Non proliferan os mercados de Nadal nas principais cidades europeas, onde a propagación da variante ómicron está a condicionar as festas.
No Reino Unido, tras reportar máis de cen mil casos en 24 horas, as autoridades agardan a que pasen as celebracións para estudar se se endurecen as restricións.
No caso de Alemaña, preferiron non arriscar e as discotecas non abren, as competicións deportivas son a porta pechada e a partir do martes non poderá haber reunións de máis de dez persoas vacinadas.
As medidas máis estritas son as dos Países Baixos, coa poboación confinada dende o pasado domingo e ata o 14 de xaneiro. Nas celebracións permítense xuntanzas de ata catro persoas pero no exterior non poden reunirse máis de dúas.
