A EMA estuda outorgar licenza para a pastilla anticovid–19 de Pfizer
Sería para administrar a pacientes maiores de 12 anos coa enfermidade nun nivel de leve a moderado e con risco de que progrese a un estado de gravidade
A Axencia Europea de Medicamentos está a estudar a posibilidade de outorgarlle a licenza á pastilla Paxlovid, desenvolvida pola farmacéutica Pfizer como tratamento anticovid–19.
Sería para administrar a pacientes maiores de 12 anos coa enfermidade nun nivel de leve a moderado e con risco de que progrese a un estado de gravidade.
A axencia europea recibiu xa a solicitude da farmacéutica estadounidense para que a Comisión Europea poida outorgarlle unha autorización para comercializar en Europa ese medicamento oral xa aprobado polas autoridades farmacéuticas dos Estados Unidos e do Reino Unido.
O presidente do Goberno Pedro Sánchez anunciou que España terá unhas 344.000 doses do fármaco antes de fin de mes.
