Axencias sanitarias europeas recomendan outra vacina de reforzo en maiores de 60
Axencias sanitarias europeas recomendan outra vacina de reforzo en maiores de 60
A EMA e a ECDC cren que é precisa a cuarta inxección por mor da nova vaga que se está producindo en Europa, con incremento de ingresos hospitalarios e en UCI
A Axencia Europea de Medicamentos (EMA) e o Centro Europeo para a Prevención e o Control de Enfermidades (ECDC) recomendaron un segundo reforzo da vacina contra a covid-19 para maiores de 60 anos e para aqueles que por razóns médicas teñan un risco de enfermar gravemente.
Xa en abril as dúas axencias recomendaran un segundo reforzo para maiores de 80 anos e agregaran que podería considerarse a necesidade dun segundo reforzo para maiores de 60 e para grupos de alto risco de calquera idade en caso dunha repunta.
As dúas axencias explican na súa recomendación conxunta que o feito de que se estea producindo unha nova vaga en Europa e de que estean a aumentar tamén os ingresos en hospitais e nas UCI fai recomendable considerar os maiores de 60 e as persoas vulnerables para o segundo reforzo.
O segundo reforzo debe facerse polo menos catro meses despois do primeiro, precisan a axencias.
As vacinas que están autorizadas en Europa, constatan as axencias, seguen sendo efectivas para reducir casos graves de covid-19 e o risco de hospitalización, a pesar das novas variantes que circulan.
"As nosas vacinas funcionan e ofrecen bos niveis de protección", dixo a comisaria europea de Sanidade Stella Kyriakides , citada polas axencias no seu comunicado.
"Fago un chamado aos estados membros para que implanten segundos reforzos para todas as persoas maiores de 60 anos e para todas as persoas vulnerables, de inmediato, e insto a todos os elixibles a que se presenten e se vacinen", agregou.
.png)
