A DXT difunde o vídeo do coche que chocou contra unha rotonda en Ourense

A Dirección Xeral de Tráfico publicou o vídeo do momento en que un vehículo se esnafraba contra a réplica da ponte romana situada nunha rotonda de Ourense.

O accidente sucedeu a finais de marzo, na rúa Castro Canseco de Ourense, onde un coche se espetaba contra a miniatura da ponte romana. A policía sospeitaba entón que a saída de vía se debera a que o condutor ía baixo os efectos do alcol.

O vídeo dura apenas uns segundos, nos que se pode apreciar que o vehículo se dirixe en liña recta cara á réplica, chocando de fronte contra ela.