A duna de protección do paseo marítimo da Coruña estará lista esta semana

Os equipos municipais comezaron traballar este luns para levantar a duna artificial de area na coruñesa praia de Riazor que protexerá o paseo marítimo no caso de temporal.

Levántase desde 1995 para evitar que o mar suba ata o paseo e leve por diante a balaustrada e mesmo entre nas rúas e dane o mobiliario urbano, como pasou daquela durante un temporal.

Tardarán unha semana en rematala e formará parte da praia os vindeiros seis meses.