Cargando resultados...
A dirección do PSdeG di non a unha negociación con Jácome
Desautoriza ao seu secretario provincial, partidario de pactar con DO a Deputación
A executiva do PSdeG reúnese este xoves
O PSdeG de Pontevedra facilitará a formación de gobernos de esquerda nos concellos
Antón Montero
31/05/2023 21:02
Última actualización 31/05/2023 21:20
A cúpula dos socialistas galegos di que non prevé negociar nada co líder de Democracia Ourensana Gonzálo Pérez Jácome.
Segundo fontes do PSdeG citadas pola axencia Europa Press, a dirección do partido non desbota ningún escenario, pero lembra que as negociacións con outras forzas políticas son competencia da executiva galega.
Desautoriza deste xeito o seu secretario ourensán Rafael Rodríguez Villarino despois de que anunciase a súa intención de encetar negociacións con Democracia Ourensana para desaloxar o PP da Presidencia da Deputación.
