A Coruña despide a temporada do ascenso cunha gran festa deportivista

Hai festa deportivista en cada recuncho da cidade, algunhas especialmente multitudinarias, como a que convocou centos de persoas na rúa San Xoán, un clásico do vermú dominical transformado en celebración branquiazul.

Ás once e media da mañá prenderon as brasas para despedir oito anos de ausencia en primeira que se fixeron eternos.

A de hoxe é a continuación dunha celebración que xa comezou a semana pasada, tras a vitoria de Deportivo en Valladolid. Unha festa duplicada e sen sufrimento previo. 

"Nestes últimos oito anos é o primeiro partido ao que podemos ir tranquilos e a gozar. Xa ves que comezamos a festa ben cedo".

Xa é festa desde a mañá, xa sabemos que imos ascender e estamos moi contentos ".

"Son días de goce, todos temos a sensación de que o mereciamos", comentaban algúns siareiros na rúa San Xoán.

Na Fan Zone instalada na explanada de Riazor tamén comezaron cedo con actividades para os nenos e música que continúa arestora.

Á noite, a celebración polo ascenso trasladarase a Catro Camiños, onde esta mañá deixaban todo listo para recibir os afeccionados e os xogadores, que chegarán nun autobús descapotable.

Poderán velo todo, o partido e a festa, a partir das seis da tarde na programación especial que ten preparada a Televisión de Galicia