A conselleira de Medio Ambiente defende en Europa a Lei de costas galega

A conselleira de Medio Ambiente e Cambio Climático trasladou á Comisión Europea o malestar da Xunta pola nova lei de Costas do Goberno central. Afirma que pode afectar a 25.000 empregos na nosa comunidade, aínda que Galicia vai facer todo o posible para defender a súa propia lei.

"Galicia vai facer valer a súa lei, que é unha lei que ademais está amparada polo Constitucional. Galicia vai seguir dando as concesións, vai seguir dando as prórrogas e vai loitar para que na directiva de servizos non se meta o sector primario, neste caso é a acuicultura".