A Comisión Xestora da Federación pide tempo para facer os cambios necesarios

A última hora da tarde do venres, a Federación Española de Fútbol anunciaba a través dun comunicado que Pedro Rocha liderará o proceso de transición e pide un tempo prudencial para estabilizar e progresar.

A Xunta Directiva constituida en Comisión Xestora  pedirá ao Consello Superior de Deportes a autorización para que permita o adianto electoral no primeiro trimestre do 2024.  Este proceso electoral inclúe tamén a renovación previa da actual Asemblea formada por 140 representantes que serán quen elixan o vindeiro presidente.

Desde a Federación aseguran o  seu compromiso para seguir acometendo cambios e recuperar o funcionamento da entidade.