Bruxelas outorga ao proxecto de Altri en Palas un selo de calidade que facilita o acceso a financiamento da UE
Bruxelas outorga ao proxecto de Altri en Palas un selo de calidade que facilita o acceso a financiamento da UE
A empresa asegura que, con este selo, recoñécese ao proxecto de fibras téxtiles de Palas de Rei como "estratéxico" para "mellorar a competitividade industrial da UE"
Ademais, di que permite o acceso do proxecto GAMA a medidas de axuda estatal previstas no Pacto Industrial Limpo
Greenfiber asegura que o proxecto foi considerado de alta calidade e impacto, e poderá ser remitido ao Banco Europeo de Investimentos (BEI)
Proxecto Gama, que planea Altri para Palas de Rei (Lugo) -GREENFIBER-Arquivo
A Axencia Executiva Europea de Clima, Infraestruturas e Medio Ambiente (CINEA) outorgou ao proxecto Gama, impulsado por Altri a través de Greenfiber en Palas de Rei (Lugo), o selo STEP (Plataforma de Tecnoloxías Estratéxicas para Europa).
Segundo destaca Greenfiber a través dun comunicado, trátase dunha etiqueta de calidade outorgada pola Comisión Europea destinada a "facilitar o acceso a oportunidades de financiamento" no marco dos programas da UE incluídos nesta iniciativa.
A empresa asegura que, con este selo, recoñécese ao proxecto de fibras téxtiles como "estratéxico" para "mellorar a competitividade industrial da UE". Ademais, permite o acceso do proxecto GAMA a medidas de axuda estatal previstas no Pacto Industrial Limpo.
O proxecto GAMA conseguiu este selo tras presentarse ao programa de financiamento Innovation Fund. No documento de resolución remitido a Greenfiber, a axencia CINEA comunica que "a pesar dos seus méritos, o proxecto GAMA non pode ser financiado debido aos recursos orzamentarios dispoñibles para esta convocatoria".
"Non obedece a ningún incumprimento coa lexislación ambiental europea"
Deste xeito, a empresa defende que a negativa á achega de fondos "non obedece a ningún incumprimento coa lexislación ambiental europea".
"Todo o contrario, no mesmo escrito sinálase que o proxecto foi considerado de alta calidade e impacto, e poderá ser remitido ao Banco Europeo de Investimentos (BEI), si así o desexa o promotor, para o seu posible desenvolvemento mediante a Asistencia ao Desenvolvemento de Proxectos (PDA)", engade.
“Sacamos un notable no exame europeo, o que vén referendar o que dixemos sempre: que GAMA é un proxecto serio, rigoroso, sostible e innovador, deseñado para dar resposta á necesidade do sector téxtil de contar con fibras respectuosas co medio ambiente e 100 % biodegradables, en liña cos requirimentos da Unión Europea”, destacou o CEO de Altri, José Pina.
