A comarca da Mariña queda sen tren durante tres semanas por obras na vía

Se tiñan pensado viaxar en tren desde o luns entre Ferrol e Ribadeo, non vai ser posible durante 21 días porque deixa de circular ata o próximo 30 de abril.

O motivo son os traballos de automatización dos sistemas de regulación no treito entre Ferrol e Ortigueira. Neste período Adif activará un plan especial de transporte alternativo para os usuarios da liña por estrada. Nas propias estacións poderanse consultar todos os horarios e as paradas.

Tamén se unen os traballos que Estradas vai realizar para mellorar o sistema de drenaxe en varios treitos da N-642 que comparte coa vía de Feve, como na zona da focha producida á entrada de Burela.