A cidade de Pontevedra rexistra as precipitacións máis intensas

Os bombeiros de Pontevedra tiveron que poñer en marcha un potente operativo de madrugada para paliar os efectos das choivas, que foron especialmente intensas na cidade.

As instalacións do complexo deportivo de Campolongo amenceu con medio metro de auga. Malia o esforzo do equipo de limpeza por restablecer a normalidade, tivo que permanecer pechado durante a mañá.

Foi a zona cero dunhas enchentes que de madrugada afectaron todo o centro. Acumuláronse 44 litros por metro cadrado en doce horas, o máximo rexistro de Galicia. En Lourizán recolléronse catro litros menos.

As horas máis duras vivíronse de catro a cinco da mañá e de seis á sete. A choiva volveu á cidade entre as 10:30 e as 12:00 horas, o que impediu que desaparecesen as bolsas de augas en zonas como as Corbaceiras.