A chuvia convértese nun atractivo turístico máis para quen visita Galicia nesta ponte pasada por auga

Comeza a ponte de Todos os Santos e na contorna da Torre de Hércules, este venres atopamos turistas dispostos a aproveitar ao máximo os seus días de lecer con chuvia ou sen ela.

Quen chega desde as Canarias mesmo cualifica de "exótica" a chuvia prevista para os próximos días en Galicia que ven como un atractivo turístico máis.

De cando en vez haberá que botarlle un ollo ao ceo.

E será mellor non esquecer os paraugas, pero para moitos desta volta a auga non será impedimento para que os galegos e galegas saír cumpran cos costumes e celebracións dos santos e defuntos sexa coas visitas aos cemiterios ou coas celebracións do Samaín e os magostos.

Por diante catro días nos que facer e refacer plans para unha ponte que estará pasada por auga.