A chegada a Balaídos de tres equipos Champions ameaza con esfiañar a estatística do Celta
De a cabalo entre o final de setembro e mediados de outubro chegan a Vigo o Atlético de Madrid, este xoves, o Xirona o domingo e o Real Madrid
O partido de Bilbao amosou un flanco débil no chasis celeste, pero non supón unha causa xeral contra o modelo de xogo.
Co Athletic Club como referencia, o calendario non lle vai dar tregua a Giráldez para realizar axustes e cadrar os números no balance entre atacar e defender. De a cabalo entre o final de setembro e mediados de outubro chegan a Vigo o Atlético de Madrid, este xoves, o Xirona o domingo e o Real Madrid en 25 días, previo paso polas Palmas para coller alento nun partido que retransmitirá TVG.
De momento na casa a estrutura de fútbol dominante da réditos e sáldase en Balaídos con oito dos catorce goles do Celta no que vai de campionato. Ademais, os celestes só encaixaron tres dos trece goles que acumulan en contra. A chegada agora de tres equipos Champions ameaza con esfiañar a estatística.
Na bolsa de valores as rendibilidades pasadas non garanten rendibilidades futuras e o Celta vai ter que fiar moi fino para non saír malferido deste campo de minas que lle pon o calendario.
