A capacidade de reacción do Celta vaise verificar nun mes con rivais de altura

Cando o Celta perdeu ante o Barcelona naquel estraño final que foi como para agocharse, os seguintes rivais eran o Alavés, As Palmas e o Xetafe.

Nin subiu na clasificación, nin mellorou a confianza, porque foron ante rivais directos unicamente 2 puntos de 9 posibles. E co equipo colocado na zona de descenso chega, logo deste parón, un calendario duro, moi duro: Atlético de Madrid, Xirona, Sevilla, Athletic e Valencia.

As bases estatísticas din que o Celta é o equipo da Liga que menos disputas gaña durante un partido. Esa fraxilidade defensiva penaliza, tanto que ata sorprende que con pouco máis dun mes de competición Rafa Benítez xa falase hai unha semana da necesidade de fichar.

Pero xaneiro queda ao lonxe, o presente é un equipo antepenúltimo clasificado, que non logra manter a portería a cero e que sumou 6 puntos de 27 posibles.