Á cadea a presunta autora de roubos nos coches estacionados nas rúas da Coruña
Prendérona dúas veces en 24 horas
Os coruñeses respiran algo máis aliviados
Os roubos consistían principalmente na rotura de cristais para subtraer obxectos do interior dos coches aparcados nas rúas de varios barrios da cidade herculina.
"Houbo roubos na avenida do Ferrocarril, no Ventorrillo e noutros sitios".
Agora, tras a detención da presunta responsable destes feitos delituosos, a veciñanza di sentirse algo máis tranquila.
"Un pouco máis tranquilos, si. Pero é que non é ela soa".
"O caso é que os prenden e ao pouco xa están fóra".
De feito, foi o que aconteceu neste caso. A muller foi detida dúas veces en 24 horas.
"Pero é que tamén hai roubos en comercios. Neste barrio, por exemplo, ultimamente, entran a roubar nos comercios. Non só na rúa".
Consideran tamén que falta vixilancia policial.
