873 aspirantes a 70 prazas de policía local en 29 concellos galegos

873 aspirantes a 70 prazas de policía local en 29 concellos galegos. É a primeira oposición que se vai celebrar das previstas para este ano en Galicia.

Os aspirantes comezarán coa primeira das probas esta mesma semana e agárdase que o proceso selectivo estea concluído no mes de febreiro.

A oposición realízase a través dun programa de cooperación entre os concellos e a Xunta de Galicia mediante a Academia Galega de Seguridade Pública, un organismo onde deberán completar a súa formación quen obteña praza.

Todos os aspirantes deberán presentar certificado de vacinación ou proba PCR negativa antes de acceder aos exames.