Publicador de contidos

Publicador de contidos

Corenta mil quilos de bonito na primeira poxa da costeira en Burela

Corenta mil quilos de bonito na primeira poxa da costeira en Burela

A campaña arranca con boas capturas e prezos baixos

G24.gal 06/06/2023 21:16 Última actualización 06/06/2023 21:40

Corenta mil quilos do principe azul dos mares. Son as primeiras capturas da costeira do bonito 2023 que chegan ao porto de Burela. É o froito do traballo de catro barcos, tres vascos e un galego.  A campaña comezou unha semana antes que o ano pasado, e, no que atinxe ao nivel de capturas, non hai queixa ningunha.  

"Non é habitual nestas primeiras poxas ter tanta cantidade de peixe. O ano pasado durante catro días de arranque de campaña só subministraba produto unha embarcación", conta Miguel Neira,  xerente dos armadores de Burela.

O prezo non acompañou tanto. Por algunhas partidas pagouse ata 11,60 euros o quilo, pero de media o prezo non chegou a cinco euros en lonxa.

"Estabamos moi contentos coas capturas pero cando chegamos aquí os prezos foron moi baixos, pensamos que ían ser algo maiores", explica o tripulante dun dos barcos vascos.

"Xa hai unhas semanas que hai bonito no mercado e isto ten un impacto importante na formación de prezos", aclara Neira.

No porto de Burela xa se marcan metas para esta costeira.

"Serían 1.500 toneladas e un volume de negocio que supere os seis millóns de euros".

Estas cifras non as lograron nas últimas campañas e confían en conseguilas na costeira do bonito 2023.

Publicidade
Publicidade
Publicidade
Publicidade