180 adegas participaron no Primeiro Encontro do Viño Galego Revera Vinum
Foron tres días de catas, premios, charlas e talleres
O Primeiro Encontro do Viño Galego Revera Vinum clausurase hoxe, pero os que queiran poden seguir participando ata o domingo nas 6 rutas do viño que se realizan en Santiago por 36 bares e restaurantes.
O encontro, organizado pola Asociación Hostaleira de Compostela, acolleu 180 adegas de todas as denominacións de orixe: Rías Baixas, O Ribeiro, Valdeorras, Monterrei e Ribeira Sacra, e das indicacións xeográficas protexidas de Galicia: Betanzos, Barbanza-Iria, Ribeiras do Morrazo e Val do Miño-Ourense. Isto fixo posible que os asistentes puideran catar uns 300 viños diferentes.
Segundo o Directivo Asociación de Hostaleira Compostela, Javier Míguez , o Encontro foi todo un éxito con máis de 1000 asistentes o primeiro día e o dobre onte.
Ademais das catas, no Primeiro Encontro do Viño de Galicia houbo degustacións doutros produtos galegos, charlas, talleres e premios. Os organizadores están decididos a que o evento teña continuidade, aínda que non saben con que periodicidade.
