O torneo escolar Pequenos Xigantes reúne na Coruña 140 xadrecistas
A inicitiva encheu a praza de María Pita con pezas xigantes fabricadas con restos de pneumáticos
Pezas extragrandes para xogadores miúdos que viven cada partida de xadrez como unha final da Champions.
"Cada partida é distinta, nunca sabes o que vai pasar".
"Hai ter ter moita paciencia, concetración e visualización", comentaban dous xogadores.
Pasaron o día literalmente correndo polo taboleiro, xogando en equipo, escoitando os compañeiros e decidindo cada movemento de forma colectiva, aínda que ás veces custase.
"Ao principio berrabamos e rifabamos porque non nos escoitabamos, pero cando nos escoitamos empezamos a xogar xenial".
"Se sabemos como xogar, en equipo é máis doado porque tres mentes pensan mellor que unha".
Na edición coruñesa de Pequenos Xigantes, que impulsa a Fundación leonesa RMD participaron cento corenta nenos e nenas de colexios da Coruña e da área metropolitana que apostan polo xadrez como ferramenta de convivencia e aprendizaxe.
Os mellores viaxarán a León en novembro para participar na gran final internacional.
