Xosé Ramón Veiga: "Juana de Vega hoxe en día sería un auténtico animal político"
O historiador publica en Galaxia a biografía: 'Juana de Vega, condesa de Espoz y Mina, 1805-1872'
Juana de Vega entrou en territorios vetados á muller desde os primeiros anos do século XIX
Foi activista social e política amais de desenvolver un labor encuberto literario
Juana de Vega, condesa de Espoz y Mina, segue a ser unha gran descoñecida para a maior parte de nós. A súa historia é impresionante por moitos motivos. Unha biografía achéganos a esta muller capaz de enfrontarse ao establecido e opinar de política, de quedar axudando cando todos escapaban do cólera e ao tempo capaz de ter ao seu marido embalsamado durante anos no cuarto do lado. Fascinante é pouco e con esa paixón a estudou e nolo conta nesta biografía publicada por Galaxia o historiador Xosé Ramón Veiga.
