'Vidas', de Claudio Zulián, unha aproximación documental e poética do barrio santiagués de Vite  

Director de cine, videocreador e músico Claudio Zulián é un artista italiano residente en Barcelona dende hai máis de 20 anos. A súa obra investiga e dialoga cos colectivos e coas realidades que habitualmente quedan excluídas da imaxe audiovisual. No CGAC ata febreiro expóñense videoinstalacións realizadas por Zulián nos últimos anos e unha creada especificamente para esta mostra. Chámase Vidas e é unha aproximación documental, pero baixo un prisma poético, ao barrio santiagués de Vite.