'Utópicas', arte relacional que nace da cidadanía no comentario crítico de Silvia García

'Utópicas. Arte e Territorio' é un proxecto producido polo Auditorio de Galicia e deseñado e coordinado por 7H Cooperativa Cultural que reivindica a importancia da cultura para fomentar vínculos comunitarios seguindo o formato dos laboratorios cidadáns. O proxecto botou a andar o pasado mes de marzo propoñendo unha convocatoria de ideas aberta á cidadanía a que se presentaron trinta propostas das que foron cinco as seleccionadas. O obxectivo é  converter a institución nun lugar de participación, pensamento e acción cultural.