Silvia García: os coreogramas de Olga Mesa, entre os escenarios e museos

A creadora Olga Mesa (Avilés, Asturias, 1962)  é unha precursora na investigación das relacións entre o audiovisual e o corporal, os tempos reais e os tempos somerxidos, a experimentación cos mundos analóxicos e os dixitais dos retrofuturos.

A retrospectiva do CGAC propón unha selección de pezas relevantes pensadas como un itinerario guiado por textos, vídeos, imaxes e corpos. O percorrido inmersivo a través dos espazos expositivos propicia un ritual de coñecemento sobre a metodoloxía, os modos de exploración e os relatos da artista.