'San Simón', un filme en rodaxe que transmite unha verdade esencial e íntima ata agora calada

Despois de cinco anos de preprodución e documentación histórica, e de catro castings polos que pasaron máis de 3.000 persoas, comezou por fin a rodaxe de San Simón.

O director Miguel Ángel Delgado e a produtora Miramemira, a mesma que fixo O que arde, queren iluminar con este filme o pasado de horror e represión desta illa da ría de Vigo que foi un campo de concentración franquista entre 1939 e 1943.