Pepe Coira e Ángeles Huerta preparan un filme sobre Castelao

O guionista Pepe Coira xa rematou o guión inicial de Castelao, unha película que vai dirixir Ángeles Huerta e que vai protagonizar Tamar Novas. Non será un biopic ao uso, queren cinguirse a dous momemtos concretos da vida intensa de Castelao: a Asemblea en Lugo das Irmandades de Fala en 1918 e a constitución do Partido Galeguista.

Na carteleira Begoña Vázquez deténse en Chinas, un filme de Arantxa Echevarría que protagoniza a comunidade chinesa de Madrid e Dispararon al pianista, unha nova colaboración de Fernando Trueba e Javier Mariscal. As dúas películas puidéronse ver no Festival de San Sebastián.