Mofa y Befa: "Somos como Pedriño e Rañolas, complementarios"
Escrita por Quico Cadaval e Carme Varela é unha versión libre de 'Os dous de sempre' de Castelao e da súa produción de humor gráfico
Nesta nova versión das aventuras dos inseparables Pedriño e Rañolas, completa o elenco actor Josito Porto
Próximas funcións: 31 de outubro, Bertamiráns; 1 e 2 de novembro, Sala Ártika, Vigo; 29 de novembro, Narón
-Pois eu- dicía o comellón- se fose moi rico, moi rico, comería tres tortas diarias.
-Pois eu - dicia o eivado- se fose moi rico, moi rico, andaría sempre a cabalo dun cabalo branco
O comellón, Pedriño e o eivado, Rañolas, os dous personaxes da novela de Castelao, están de volta pero desta vez metidos na pel de Mofa e Befa, é dicir Victor Mosqueira e Evaristo Calvo. 'Os dous de sempre' están de volta e en plena xira tras estrearse a pasada semana en Rianxo.
A nova proposta de Producións Excéntricas, ten dramaturxia de Carme Varela, espazo escénico de Baltasar Patiño, figurinos de Carlos Alonso e interpretación de Josito Porto, Evaristo Calvo e Víctor Mosqueira, que dan vida a 'Os dous de sempre'.
