MICE en Compostela, 'Bajo terapia' e 'In viaggio', con Begoña Vázquez

Ao outro lado do mar, o filme dirixido a catro mans por Eloy Domínguez Serén e Samuel Moreno terá un pase na MICE, a Mostra Internacional de Cinema Etnográfico, que vai durar ata o próximo martes. Trátase da correspondencia fílmica durante tres anos dos dous directores. 

Bajo terapia, de Gonzalo Herrero, estréase nos cines tras pasar por Málaga. É a adaptación ao cine dunha peza teatral arxentina onde se fala de saúde mental e violencia de xénero

In viaggio é un documental de Gianfranco Rosi, director premiado co León de Ouro no Festival de Venecia,  famoso polos seus comprometidos traballos anteriores sobre os naufraxios de inmigrantes ou os pobres da periferia de Roma.  Agora retrata o papa, coincidindo coa conmemoración da súa década no cargo. Aquí propón unha imaxe diferente de Francisco Bergoglio e o seu círculo no Vaticano.

.