María Toro: "Chamábame a atención a frauta que se tocaba atravesada"

Comezou a tocar a frauta no conservatorio da Coruña con 8 anos. Pero a clásica non lle chegaba, tiña que experimentar, buscar, beber do jazz, do flamenco e das músicas populares do mundo. No percorrido formou parte da Compañía Internacional de Flamenco de Zúric, viviu en Nova York ou no Brasil, publicou tres discos e agora volve á casa para presentar o seu novo proxecto.

María Toro vén cargada de músicas, pero non esquece aquela canción que súa avoa lle cantaba de pequena.