Fon Cortizo: "As audiodescricións moitas veces só describen e non deixan escoitar"

A danza do abellón é un antigo rito funerario dalgunhas zonas de Galicia, onde as abellas adquiren unha conexión especial coa morte. 'Abellón' é tamén unha curtametraxe que colle o seu nome dese rito. Unha curta que transita entre a vida e a morte, os coidados, o real e o irreal, a luz e a escuridade, e que nos somerxe no territorio da cegueira. 

Fon Cortizo asina a dirección e o guión desta curtametraxe multipremiada que nos abre os ollos aos que non ven, pero tamén gozan do cine.