Carlos Fer: "O software dos escaneados en 3D ten unha dimensión moi pictórica"
Limiares acuosos nace dunha investigación arredor dos azulexos das fachadas de Vigo, a mostra pódese ver ata o 16 de novembro na Casa Galega da Cultura, Vigo
Na mostra, técnicas vinculadas á bidimensionalidade, como o azulexo, a pintura ou o audiovisual, transfórmanse para habitar o volume
Tamén podemos vez pezas súas no Centro Cultural Marcos Valcárcel en Ourense e a partir do día 10 no Auditorio de Galicia en Santiago
"Nada na natureza é plano. E se o é, nalgún momento deixou ou deixará de selo". Desde esta premisa xorden as preguntas, as reflexións e as exploracións artísticas de 'Limiares acuosos', a mostra do artista Carlos Fer que xa podemos ver na Casa Galega da Cultura de Vigo. A auga da ría de Vigo modifica sen mollar a materia coa que Carlos Fer traballa nesta exposición.
