Aurelia Balseiro: "Os museos temos que buscar a representatividade da muller non só na arte, tamén na sociedade"
Aurelia Balseiro: "Os museos temos que buscar a representatividade da muller non só na arte, tamén na sociedade"
O Museo Provincial de Lugo está a realizar diversas accións para recuperar a memoria de artistas galegas
María Corredoira foi unha pintora galega de comezos do século XX que chegou a ter repercusión internacional
Foi tamén membro da Real Academia Galega de Belas Artes e do Seminario de Estudos Galegos
A historia de María Corredoira, pintora galega nada a finais de 1800 e enmarcada na chamada Xeración do 16, é como moitas outras a historia dunha artista non coñecida no que merece. O Museo Provincial de Lugo xa fixera unha ampla exposición sobre a figura da pintora e agora publica o catálogo. Un traballo de recuperación e investigación e sobre todo de divulgación da obra da pintora a cargo de Aurelia Balseiro, a coordinadora desta edición científica e directora do Museo Provincial de Lugo.
