Ana Moreiras: "A acuarela é rebelde, gústame que non estea dominada polo autor"

O cómic Xaora relata as crises persoal, social e laboral dunha xornalista de trinta e tantos anos que non dan curado as terapias alternativas. Podería ser unha radiografía da sociedade galega a través dos ollos da Xeración X. Tintas e acuarelas, un sopro de realismo máxico e un coidado galego dialectal conforman unha historia tan real como necesaria. Ata o 5 de abril poderemos ver os debuxos na galería La Doce de Boiro. Alí atopámonos con Ana Moreira.