Alfonso Zarauza: "A liberdade no cinema hai que loitala"
Un ciclo retrospectivo coa filmografía do director en Numax unha exposición en Compostela celebran o trinta aniversario da primeira película de Zarauza
Cada martes, ata finais de maio, Numax programa toda a súa filmografía. O día 20 proxectarase 'Ons' e o 28 'Malencolía'
O espazo Zona C acolle a mostra 'Nunca deixará de chover no meu cinema' con documentos, fotografías e obxectos do seu percorrido e no Festival de Cans recollerá o premio Pedigree de Honra
"Nun proceso tan longo e que require tanta enerxía como é facer unha película, sempre deixas moitas cousas no camiño, pero ao final é liberador, debe ser algo parecido a parir".
A frase é de Alfonso Zarauza, que leva trinta anos parindo películas e que agora volve a vista atrás para repasar e celebrar a súa frutífera traxectoria. E faino ademais cunha retrospectiva que repasa a súa obra fílmica e cunha exposición que leva por título 'Nunca deixará de chover no meu cinema'. Hoxe falamos con el aquí no estudio.
