Abraham Pérez: "Na vida a lectura é fundamental, a escrita é accesoria"
'Gaivotas manchadas de petróleo' intenta capturar o espírito dos tempos reaccionarios e liberticidas que estamos a vivir
No libro conviven reflexións, aforismos, epifanías cotiás, fendas autobiográficas e ficción
'Gaivotas manchadas de petróleo' está publicado na colección Buraco Negro do proxecto editorial Menino Morreu
"Cómpre facer figuras, garabatos, debuxos, grafías, para entender, para entendermos". Esta é unha das anotacións que compoñen 'Gaivotas manchadas de petróleo', un diario sen días, quizais un manual de instrucións para abordar a obra do autor, Abraham Pérez que publica a editorial Menino Morreu.
É un libro que quere ser un 'work in progress', un darlle voltas á vida, á morte, ao banal e ao politico, ao poético ou ao irónico, á escrita ou á lectura das lecturas.
