Un incendio calcina un vehículo e unha palleira en Santiago
Un incendio calcina un vehículo e unha palleira en Santiago
Grazas ao traballo dos bombeiros salváronse case todos os animais e as lapas non chegaron á vivenda
Non houbo que lamentar danos persoais
Sobre as catro e media da mañá deste xoves o parque de bombeiros recibía un aviso dun incendio no lugar da Granxa de Santiago, a pouca distancia do hotel Santiago Apóstolo.
As lapas iniciáronse nun vehículo estacionado na parcela e alcanzaron rapidamente unha palleira con varios animais. Case todos foron rescatados polos efectivos, salvo un par de galiñas e algúns polos.
O principal problema era o combustible almacenado que podía provocar un maior incendio e afectar a propia vivenda se non se controlaba a tempo.
O traballo dos peritos será o que sinale as causas do incendio no vehículo que orixinou o lume, sen que finalmente houbese que lamentar danos persoais.