Un imparable Lugo derrota e supera o Real Unión de Fran Justo (2-0)
Ojeda e Willy Ledesma marcaron os goles no segundo tempo
Cuarta vitoria seguida dun Lugo que xa ten 18 puntos
O Lugo segue coa velocidade de cruceiro. Custoulle arrincar pero contra a Real Unión de Irún que dirixe o exadestrador lucense Fran Justo logrou a cuarta vitoria consecutiva (2-0).
Foi unha vitoria clara e convincente dun equipo que comeza a xogar de memoria. No primeiro tempo o volume de ocasións non foi excesivo. A mellor chegou cun disparo de Antoñín Cortés que salvou cunha gran parada Irazusta.
Na segunda metade arrincou con moita forza o equipo de Munitis e froito desa insistencia veu o gol marcado por Ojeda cun gran remate chegando de segunda liña. Antoñín Cortés tivera un remate á través e foi o outro dianteiro, Willy Ledesma, o encargado de sentenciar cun remate de cabeza.
Cuarta vitoria, outra vez a porta a cero, terceira xornada seguida marcando de Ledesma. Todo son boas novas para un Lugo que se asenta na zona alta.
