Un gran Barcelona non dá opción ao Liceo (6-0)

O Liceo caeu a domicilio fronte ao Barcelona, que é máis líder ao endosarlle seis goles ao equipo herculino.

O conxunto dirixido por Juan Copa mostrou unha gran resistencia no primeiro cuarto de hora, pero derrubouse despois do primeiro gol culé. Marc Grau foi o autor, anotando tamén o cuarto antes do descanso. Entre medias, Ignacio Alabert e João Rodrigues marcaron as diferenzas. Á volta dos vestiarios, co partido practicamente sentenciado, os cataláns marcaron dous goles máis (de novo João e Ignacio).

Con este resultado, o Liceo segue quinto con 15 puntos, mentres o Barcelona continúa líder con 25.