Para Míchel, técnico do Xirona, o Celta é "un equipazo"

O Xirona de Míchel Sánchez, colíder da Liga con 25 puntos de 30, recibirá este venres o Celta, 18º con 19 puntos menos, co reto de aproveitar a necesidade do rival para lograr un novo triunfo, o noveno e o terceiro seguido, e durmir líder á espera do clásico entre o Barcelona e o Real Madrid no Estadi Olímpic Lluís Companys.

Con todo, Míchel falou así de ben do Celta:

 "Eu non miro a clasificación. O rival fai moitas cousas ben".

"Fóra da casa é o 3º equipo que ten máis ocasións. É un equipazo".

"Non teñen os resultados que merecen. Son moi perigosos".

O Xirona erixiuse na sorpresa en Europa: o seu arranque é o 20º mellor da Liga desde que os triunfos valen tres puntos (1995). É o mellor sen contar ao Barça, o Madrid e o Atlético de Madrid no devandito período: ningún equipo fóra deste triunvirato lograra 25 ou máis puntos dos primeiros 30 e ningún equipo cuns números así quedou fóra de competición europea.